UANDIKISHAJI WA DAFTARI LA WAPIGA KURA WAANZA RASMI MAKAMBAKO!!

Zoezi la uandikishwaji wa daftari la kudumu umenza leo na kufanyika mjini Makambako pamoja na vijiji vyake ambapo mbali na watu kujitokeza katika baadhi ya vituo kumekuwa na changamoto ya mashine za kuprinti ambapo baadhi ya mashine zimeonekana kufanya kazi chini ya kiwango.

Katika kata ya Mlowa ambayo ina vituo nane vituo vilivyo lalamika kupata usumbufu huo ni pamoja na Kihanga na Mkolango ambapo  imewalazimu mafundi kupita katika vituo hivyo na kufanya marekebisho ili zoezi liweze kuendelea.

Aidha katika zoezi hilo la leo changamoto nyingine iliyojitokeza karibu vituo vingi ni pamoja na mashine kushindwa kuonyesha baadhi ya alama za vidole yaani finger print katika zoezi zima la kujiandikisha kutokana na baadhi ya watu kuwa na vidole vikavu ambavyo vimeshindwa kuonekana moja kwa moja katika mashine hizo.

Profesa Amon E Chaligha ambaye alikuwa akipita na kukagua katika vituo hivyo amesema kuwa suala la mashine kushindwa kuonyesha baadhi ya alama za vidole inaendelea kutafutiwa ufumbuzi na kuwa kuna njia mbadala ya kukamilisha taarifa za anaye andikishwa ambazo zime elekeza katika daftari hilo la kujiandikishia na kuwa watu wote wanafursa ya kupata vitambulisho hivyo na kujiandikisha pamoja na kuwepo kwa changamoto hizo.

Hadi sasa vituo vyote vya Makambako vijijini hususani katika kata ya Mlowa iliyokuwa na vituo nane zoezi la uandikishwaji limeendelea vizuri na idadi ya watu wanaojiandikisha inaongezeka huku wengi wakisubiri hapo kesho ambapo ndio uzinduzi wa mpango huu ki taifa utazinduliwa mjini Makambako na kuhudhuliwa na viongozi mbalimbali wa kitaifa huku mwisho wa ukomo wa kujiandikisha kwa mkoa wa njombe ni tar 15 march.

Zoezi hilo linafanyika kwenye Halmashauri ya mji wa Makambako wilayani Njombe huku serikali ikiwa na matumaini kuwa zoezi hilo litafanikiwa kumalizika vyema.

Mkuu wa wilaya ya Njombe Sara Dumba amesema kuwaanafurahia wilaya yake kupewa kipaumbele katika zoezi hilo.