WATUHUMIWA 34 WAFIKISHWA MAHAKAMANI KWA KOSA LA KULA NJAMA NA KUFANYA FUJO KWA KUFUNGA BARABARA KUU MBEYA

WATUHUMIWA WAKISHUSHWA KWENYE GARI KUINGIZWA MAHAKAMANI KUSOMEWA MASHITAKA YAO

WATUHUMIWA WAKIPATA CHAI MAHAKAMANI HAPO

HIVI NDIVYO ILIVYOKUWA SIKU MGOMO WA WAKULIMA HAKUNA KILICHOUZWA

                                                   

   MAHAKAMA MKOANI  MBEYA IMEWASOMEA MASHITAKA LAURENT  NICHOLAUS KASWAGA(38) MKULIMA NA MKAZI WA KIJIJI CHA IBURA  KIWIRA PAMOJA NA WENZAKE 33 BAADA YA  KULA NJAMA NA PAMOJA NA KUFANYA FUJO.

  WATUHUMIWA HAO WAMESOMEWA MASHTAKA HAYO NA MWENDESHA MASHTAKA WA POLISI F.3644 D/C JOEL  MBELE YA  HAKIMU WA MAHAKAMA HIYO MHE. MEBO MALAKASUKA.

  KATIKA SHAURI HILO LA JINAI NO. 169/2013 WASHTAKIWA WOTE WAMEPELEKWA RUMANDE HADI TAREHE 09.10.2013 AMBAPO UAMUZI WA KUPEWA AU KUTOPEWA DHAMANA UTATOLEWA  MAHAKAMANI HAPO.

  AWALI IMESEMEKANA KUWA MNAMO TAREHE 24.09.2013 MAJIRA KATI YA  SAA KUMI NA MBILI ZA JIONI HADI SAA NNE USIKU HUKO KATIKA KATA YA  KIWIRA VITONGOJI VYA KIBUMBE, MPANDAPANDA, KIWIRA – KATI  NA KARASHA WILAYA YA  RUNGWE MKOA WA MBEYA. KUNDI LA WANANCHI WALIOAMUA KUJICHUKULIA SHERIA MKONONI WALIFANYA FUJO KWA KUFUNGA BARABARA KUU YA  MBEYA/TUKUYU WAKITUMIA MAWE MAKUBWA NA MAGOGO ILI MAGARI YASIPITE NA KUSABABISHA USUMBUFU KWA WATUMIAJI WENGINE WA BARABARA HIYO. THAMANI HALISI YA  UHARIBIFU ULIOTOKEA BADO KUFAHAMIKA.

  HATA HIVYO KATIKA TUKIO HILO GARI T.335 CBE AINA YA  TOYOTA L/CRUISER LIKITOKEA MBEYA MJINI KUELEKEA TUKUYU LIKIWA LIMEBEBA MIILI YA  MAREHEMU WATATU LILIGONGA MAWE YALIYOKUWA YAMEWEKWA BARABARANI NA WATU HAO KISHA KULIGONGA GARI T. 771 BBE AINA YA  TOYOTA COASTER NA KUSABABISHA MAJERUHI KWA WATU WAWILI  NA UHARIBIFU KWA MAGARI YOTE MAWILI.

 HATAHIVYO CHANZO  CHA VURUGU HIZO  KIMEDAIWA KUWA NI   NYONGEZA YA USHURU WA MAZAO YA NDIZI ZILIZOKUWA ZIKITOZWA TSHS 100/=KWA KILA MKUNGU HADI KUFIKIA TSHS 200/= JAMBO LILILOSABABISHA VURUGU HIZO  WAKISHINIKIZA KURUDISHWA KWA USHURU WA ZAMANI NA KUFUTIWA HUU WA SASA

  HATA HIVYO KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI  AMESEMA "CHANGAMOTO KATIKA JAMII HAZIWEZI KUTATULIWA KWA KUWEKA MAGOGO NA MAWE BARABARANI BADALA YAKE WATAFUTE UFUMBUZI KWA KUWASILISHA MATATIZO,KERO, NA MAONI  YAO KATIKA MAMLAKA HUSIKA NA KUKAA  MEZANI KWA  MAZUNGUMZO ILI KUPATA UFUMBUZI KWA KUZINGATIA HOJA".

AIDHA AMESISISTIZA KUWA KUFUNGA BARABARA KUNALETA MADHARA KWA WATUMIAJI WENGINE  WAKIWEMO WAGONJWA, WASAFIRI, WAGENI KUTOKA MATAIFA MBALIMBALI PIA KUSAFIRISHA MAITI KAMA ILIVYOTOKEA KATIKA GARI T.335 CBE NA KWAMBA JESHI LA POLISI KAMWE HALITASITA KUWACHUKULIA HATUA ZA KISHERIA WATU AU VIKUNDI VYA WATU WATAKAOSABABISHA UVUNJIFU WA  AMANI.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.