MABINGWA BAYERN WATEKETEZWA 4-0 KWAO ALLIANZ ARENA!!

Mabingwa Watetezi wa UEFA CHAMPIONZ LIGI, Bayern Munich, wakiwa Nyumbani Allianz Arena Jijini Munich, Usiku huu wametandikwa Bao 4-0 na Real Madrid kwenye Mechi ya Marudiano ya Nusu Fainali na Real sasa kutinga Fainali kwa Jumla ya Bao 5-0 baada ya kushinda Mechi ya Kwanza 1-0.

Hii ni mara ya kwanza kwa Real Madrid kutinga Fainali ya UEFA CHAMPIONZ LIGI tangu Mwaka 2002 walipocheza Fainali huko Hampden Park, Glasgow, Scotland na Bao murua la Zinedine Zidane kuwapa Kombe lao la 9 la Ulaya, baada kuifunga Bayer Leverkusen 2-1, na sasa wanasaka Taji la 10 ambalo wenyewe wamelibatiza ‘LA DECIMA’.

Ndani ya Dakika 20, Real walikuwa mbele kwa Bao 2 za Kichwa za Sergio Ramos, moja akiunganisha Kona na jingine frikiki huku Difensi ya Bayern ikizubaa kumkaba Ronaldo na kutoa mwanya kwa Ramos kupiga Bao.

Dakika ya 34, Ronaldo alifunga Bao la tatu baada ‘Kaunta Ataki’ murua na kuvunja Rekodi ya Lionel Messi ya Bao 14 za UEFA CHAMPIONZ LIGI katika Msimu mmoja.

Kipindi cha Pili, Dakika ya 89, Ronaldo alipiga Bao la 4, na kuiteketeza kabisa kambi ya Bayern Munich ambayo wakati huo Allianz Arena ilikuwa imepwaya mno baada ya Mashabiki wao wengi kukimbia Uwanja.

Pengine pigo kwa Real ni kumkosa Xabi Alonso kwenye Fainali baada ya kulambwa Kadi ya Njano na hivyo kumfanya aikose Fainali.

Real Madrid sasa wapo Fainali na watacheza huko Lisbon, Ureno Mei 24 na Mshindi kati ya Chelsea na Atletico Madrid ambazo zinapambana Stamford Bridge Jumatano Usiku.

VIKOSI:

BAYERN MUNICH: Neuer, Lahm, Boateng, Dante, Alaba, Schweinsteiger, Kroos, Robben, Muller, Ribery, Mandzukic

Akiba: Raeder, Van Buyten, Martinez, Rafinha, Pizarro, Gotze, Hojbjerg

REAL MADRID: Casillas, Carvajal, Pepe, Ramos, Coentrao, Alonso, Modric, Di Maria, Ronaldo, Benzema, Bale

Akiba: Diego Lopez, Varane, Marcelo, Casemiro, Morata, Isco, Illarramendi

REFA: Pedro Proença (Portugal)

UEFA CHAMPIONZ LIGI

NUSU FAINALI:

Marudiano

Jumanne Aprili 29

[Kwenye Mabano Jumla ya Mabao kwa Mechi mbili]

Bayern Munich 0 Real Madrid 4 [0-5]

Jumatano Aprili 30

[Kwenye Mabano Matokeo Mechi ya Kwanza]

2145 Chelsea v Atletico Madrid [0-0]

-FAINALI: Estádio da Luz, Lisbon, Portugal 24 Mei 2014

Real Madrid v Chelsea/Atletico Madrid

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.