Mnyika azindua kampeni kuondoa ujinga

MBUNGE wa Ubungo, John Mnyika, amezindua mpango maalumu kwa ajili ya harambee ya kusaidia upatikanaji wa fedha ili kusaidia kununua maabara na maktaba  za kutembea katika Jimbo la Ubungo.

Uzinduzi wa mpango huo wenye kaulimbiu ‘Uhuru dhidi ya Ujinga’ ulifanyika katika Ukumbi wa Much More, jengo la Billicanas jijini Dar es Salaam jana.

Mnyika alieza kuwa kuanzia sasa hadi Oktoba 14, mwaka huu, atatoa mrejesho wa pesa kiasi gani zimepatikana kwa ajili ya kununua maabara na maktaba ya kutembea, na Desemba 9, mwaka huu atawaita wadau mbalimbali kwa ajili ya harambee kubwa yenye lengo ya kukusanya zaidi ya sh milioni 300.

Alisema yeye amechangia asilimia 20 ya mshahara wake wa kila mwezi ili kampeni hiyo kupitia asasi ya maendeleo ya Ubungo, Ubungo Development Initiative (UDI) iweze kufanikiwa, kwani lengo ni kusaidia kupanda kwa kiwango cha elimu na ufaulu katika masomo ya sayansi.

“Serikali itaendelea kufanya shughuli zake kwa kutegemea kodi za wananchi lakini itachukua muda mrefu kukamilisha huduma hizo, hivyo wadau mbalimbali wajitokeze kuunga mkono ili kuleta ufanisi,” alisema.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.