AFCON 2015 DROO KUFANYIKA AFRIKA KUSINI JANUARI 31.

DROO ya kupanga Mechi za Mchujo za kutinga Fainali za Kombe la Mataifa ya Afrika kwa Mwaka 2015, AFCON 2015, itafanyika huko Afrika Kusini hapo Januari 31.

CAF imethibitisha kufanyika kwa Droo hiyo huko Mjini Cape Town wakati michuano ya CHAN ikiendelea humo Nchini Afrika Kusini katika Miji ya Bloemfontein, Cape Town na Polokwane.

Fainali za AFCON 2015 zitafanyika huko Nchini Morocco na Mechi za kusaka Timu zitakazotinga Fainali zitachezwa katika Kipindi kifupi cha Miezi mitano tu kati ya Julai na Novemba Mwakani.

Mfumo wa kupata Timu zitakazoingia Fainali ni kuchezwa Raundi ya Awali kati ya Julai na Agosti, itakayochezwa kwa mtindo wa Nyumbani na Ugenini, na kufuatia hatua ya Makundi itakayochezwa kuanzia Septemba.

Mechi za Makundi zinatakiwa zichezwe ndani ya Wiki 6 kati ya Septemba na Novemba kwenye Siku za Kalenda ya FIFA ya Mechi za Kimataifa na hivyo Mechi kuchezwa mfululizo Ijumaa na Jumanne inayofuatia kama vile Ulaya wamekuwa wakifanya hivi karibuni.

MECHI ZA MCHUJO KUTINGA FAINALI:

Raundi ya Awali

18-20 Julai: Mechi ya Kwanza

1-3 Agosti: Mechi ya Pili

Mechi za Makundi

5-6 Septemba: Mechi ya 1

10 Septemba: Mechi ya 2

10-11 Octoba: Mechi ya 3

15 Octoba: Mechi ya 4

14-15 Novemba: Mechi ya 5

19 Novemba: Mechi ya 6

POSTED BY:www.info@dirayetu.blogspot.com

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.