DC-HAI AKAGUA UJENZI WA BARABARA ZA MACHAME NA MASAMA!!

Mkuu wa wilaya ya Hai,Novatus Makunga akizungumza na viongozi wa kata ya Machame kaskazini na wale wa Tanroads mkoani Kilimanjaro katika ofisi ya kijiji cha Nshara,Kulia kwake ni Ofisa Tarafa ya Machame Kaskazini Maftah Mohammed.

Mkuu wa wilaya ya Hai Novatus Makunga akipata ufafanuzi wa Ujenzi wa Barabara ya Machame kutoka kwa Kaimu Meneja wa Tanroads mkoan wa Kilimanjaro Mhandisi Reginald Massawe(Kushoto)

Mwenyekiti wa kijiji cha Nshara Bw Awadhi Uronu akimwonyesha mkuu wa wilaya ya Hai Novatus Makunga pamoja na Maofisa wa Tanroads Mkoan wa Kilimanjaro moja ya eneo hatari kwa watumiaji wa barabara ya Machame katika kona ya Lambo.

Mkuu wa wilaya ya Hai Novatus Makunga na maofisa wa Tanroads wakishuhudia mifugo ikiswagwa katika barabara ya Machame eneo la Lambo.

Mkuu wa wilaya ya Hai Novatus Makunga akitoa maelekezo ya barabara ya Machame, kulia ni mmoja wa wataalamu wa ujenzi katika wilaya ya Hai Mhandisi Peace.

Mkuu wa wilaya ya Hai akiangalia moja ya eneo la barabara ya Machame ambalo lina kasoro katika ukarabati wake huku maofisa wa Tanroads mkoa wa Kilimanjaro wakitoa maelezo.

 Mkuu wa wilaya ya Hai Novatus Makunga akipata maelezo kutoka kwa mwakilishi wa kampuni ya Mhandishi mshauri wa barabara ya Kwasadala hadi Masama,Crown Tech Consult Limited

Mkuu wa wilaya Hai Novatus Makunga amewaagiza viongozi wa vijijji na vitongoji vinavyopitiwa na barabara ya Machine Tools hadi Machame kuanza kutekeleza sheria ya barabara  katika kudhibiti uswagaji wa mifugo hususani ng’ombe katika barabara hiyo .

Mkuu huyo wa wilaya ametoa agizo hilo baada ya kukagua barabara hiyo ambayo ilikarabatiwa kwa kipande cha kilometa 7.9 na Wakala wa barabara nchini Tanroads na baadaye alikagua barabara nyingine ya Kwasadala hadi Masama inayoendelea kujengwa na wakala huyo.

Akizungumza na viongozi mbalimbali wa vijiji vya kata ya Machame Kaskazini ambapo barabara hiyo imepita,aliwaeleza kuwa ni vyema  sasa wakaanza kusimamia sheria inayozuia mifugo kutembezwa barabarani badala ya wao kama viongozi kuanza kulalamika.

Viongozi hao awali walimweleza mkuu huyo wa wilaya kwamba kwa asili eneo la Machame siyo la ufugaji wa mifugo inayochungwa bali ufugaji wao ni ule wa ndani hata hivyo limezuka wimbi la wamiliki wa Mabucha kwenda minadani na kununua ng’ombe ambao katika kuwasafirisha uamua kuwachunga barabarani na hivyo kuchangia uharibifu mkubwa.

Makunga amemwagiza Kaimu meneja wa wakala wa Barabara Tanroads mkoani Kilimanjaro Mhandisi Reginald Massawe kuandaa semina ya uelewa kwa viongozi wa vijiji na vitongoji itakayolenga kuwaelimisha sheria ya hifadhi ya barabara pamoja na mpango wa kusimamia na kuwapa nakala ya sheria hiyo ili waanze mara moja kuitekeleza.

Amewataka viongozi hao kutoa notisi kwa wamiliki wa mabucha kuusiana na kuanza utekelezaji wa sheria hiyo kwa lengo la kuwafahamisha kwamba kuanzia sasa watalazimika kusafirisha mifugo yao kwa njia ya barabara na ni marufuku kuswaga mifugo barabarani.

Kadhalika amewataka kushirikiana na wakala wa barabara kuwaondoa wote waliovamia maeneo ya hifadhi za barabara wakiwemo wanaondesha kilimo cha majani ya mifugo na wafanyabiashara wanaohifadhi mchanga wa ujenzi kwa kuwapa notisi kama sheria inavyotaka mapema iwezekanavyo.

Katika hatua nyingine Mkuu huyo wa wilaya amemtaka Mhandisi Massawe kutuma wataalamu watakaoainisha mapungufu mbalimbali ambayo yamejitokeza katika ukarabati huo wa barabara yakiwemo ya baadhi ya maeneo kutokuwa na makalvati,mikondo ya maji kutokuelekezwa kwa usahihi,baadhi ya maeneo ya lami kuanza kumeguka pamoja na mahitaji ya  kuweka alama za kuvuka kwa waenda kwa miguu jirani na makanisa,misikiti na shule.

Awali mhandisi Massawe ameeleza wakala wa barabara Tanroads imetumia kiasi cha shilingi milioni 1,005 kukarabati sehemu ya kilometa 7.95 ya barabara hiyo yenye urefu wa kilometa 14.98.Amesema kazi zilizofanyika ni pamoja na kuondoa tabaka la lami,kuvuruga msingi wa awali na kujenga msingi mpya nakuweka tabaka jipya la lami nyepesi kwa upana wa barabara wa mita 9.0.

Amesema kzouwa dosari mbalimbali zilijitokeza ambazo walizibaini katika ziara hiyo ya mkuu wa wilaya ambazo zinahitaji fedha nyingi zitakafanya kazi katika awamu ijayo ya kukarabati barabara hiyo ambayo itaingizwa katika mwaka ujao wa fedha ambao unaanza mwezi Julai huku barabara  ndogo ndogo wakianza kuzirekebisha mara moja.

Bw Makunga amesema kuwa katika mwaka ujao wa fedha kiasi cha shilingi milioni 800 zimetengwa kwa kazi ya kupanua mabega ya barabara kila upande na kujenga tabaka la lami nyepesi sehemu ya barabara yenye urefu wa kilometa 5.

Akiwa  katika barabara ya Kwasadala hadi Masama mkuu huyo wa wilaya amemtaka mkandarasi kushirikiana na viongozi wa eneo hilo katika kuhakikisha ujenzi wa makalvati ya kupitisha maji unakwenda kwa usahihi kwa lengo la kuepuesha madhara hasa nyakati za masika.

Aidha amemkataka mkandarasi huyo kutatua tatizo la baadhi ya maeneo kushindwa kupitika kutokana mvua zinazoendelea kunyesha sasa kwa kumwaga vifusi hasa katika maeneo yenye miteremko mikali.

Mkandarasi mpya wa barabara hiyo kampuni ya Hari Singh and Sons Limited ameahidi kurekebisha sehemu zote korofi katika kipindi hiki cha mvua wakati wa kazi ya ujenzi huo ambayo imefikia asilimi tano hadi hivi sasa ikiwa inaendelea.

Mkandarasi huyo alianza kazi mwezi Januari mwaka huu baada ya kuvunjwa kwa mkataba wa mkandarasi wa awali katika barabara hiyo ambayo ni ahadi ya rais Jakaya Kikwete.

Utekelezaji wa mradi huo upo katika hatua za awali ambapo ujenzi wa njia za mchepuko zinafanyiwa kazi huku sehemu nyingine zikiwa katika  maandalizi ya ujenzi ikiwepo eneo la daraja la mto Namwi pamoja na ujenzi wa tabaka la kwanza la mawe yaliyosagwa unaoendelea katika eneo lenye urefu wa kilometa 2.

Hatahivyo Ujenzi wa barabara hiyo yenye urefu wa Kilometa za mraba 12.5 unatarajiwakukamilika mwezi Januari Mwakani.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.