MOYES AKUNWA NA MATA, WENGER ASONONEKA KUDHOOFIKA KIUNGO!!

WAKATI David Moyes akikongwa moyo na mwanzo mwema wa Mchezaji mpya Juan Mata na kurejea Uwanjani kwa Robin van Persie na Wayne Rooney kulikowapa ushindi Jana, Arsene Wenger amesononeshwa na kudhoofika kwa Kiungo cha Timu yake baada Jana kumpoteza Mathieu Flamini kwa Kadi Nyekundu na pia kuendelea kuwa nje kwa maumivu kwa Aaron Ramsey.

MOYES NA MATA, VAN PERSIE NA ROONEY

Meneja wa Manchester United, David Moyes, amesema kumsaini Juan Mata na kurejea Uwanjani kwa Robin van Persie na Watne Rooney kutoka kwenye maumivu ambako Jana kuliwapa ushindi walipoichapa Cardiff City Bao 2-0 Uwanjani Old Trafford kumeleta hali mpya kwenye Timu yao.

Van Persie Jana alirejea Uwanjani baada kuzikosa Mechi 11 na Juan Mata alicheza Mechi yake ya kwanza tangu ahamie kutoka Chelsea hivi Juzi huku Rooney akianzia toka Benchi katika Mechi yake ya kwanza tangu Januari Mosi.

Mwenyewe Mata alibainisha kufurahishwa na mapokezi yake Man United na pia kuridhika na uchezaji wake kwenye Mechi yake ya kwanza ingawa alikiri anahitaji kufanya Mazoezi zaidi baada ya kuyakosa Wiki iliyopita kwa ajili ya hekaheka za Uhamisho.

Nae Moyes amekiri kuwepo kwa Mastaa hao watatu kumeleta matumaini mapya  ingawa alisema bado ipo kazi kubwa.

Akimwongelea Mata, Moyes alisema: “Juan alifanya vyema. Alitengeneza nafasi zetu bora katika Dakika 30 za kwanza. Tutamzoea na atatuzoea. Nilitaka kuwaona yeye na Robin wakicheza pamoja. Tutamtumia katika nafasi kadhaa tofauti.”

Kuhusu Mata, Rooney na Van Persie kucheza pamoja, Moyes alisema: “Wakiwemo kwenye Timu, matokeo yatazidi kuwa bora!”

WENGER ASONONEKA KUDHOOFIKA KIUNGO!!

Meneja wa Arsenal, Arsene Wenger, amesononeshwa na kudhoofika kwa Kiungo cha Timu yake baada Jana kumpoteza Mathieu Flamini kwa Kadi Nyekundu na pia kuendelea kuwa nje kwa maumivu kwa Aaron Ramsey.

Jana Kiungo wao Mathieu Flamini alipewa Kadi Nyekundu walipotoka Sare ya Bao 2-2 na Southampton na hiyo inamaanisha atazikosa Mechi zijazo za Arsenal dhidi ya Crystal Palace, Liverpool na Man United.

Sare hiyo imewakosesha Arsenal kuzidi kupanda kileleni na kuwa Pointi 4 juu na hii inaweza kuwafanya waporomoke hadi Nafasi ya 3 ikiwa leo hii Man City na Chelsea zitashinda Mechi zao.

Man City wanacheza na Tottenham huko White Hart Lane na Chelsea wako kwao Stamford Bridge kuikabili West Ham na wakipata ushindi wa tofaut ya Bao 2 wataipiku Arsenal.

Pia Wenger alitoboa kuhusu kuendelea kuumwa kwa Aaron Ramsey ambae hajapona matatizo ya Paja lake.

Wenger amekiri kuwakosa Flamini na Ramsey kumedhoofisha sana sehemu ya Kiungo ya Timu yake.

LIGI KUU ENGLAND

RATIBA  YA LEO:

[Saa za Bongo]

Jumatano Januari 29

2245 Aston Villa v West Brom

2245 Chelsea v West Ham

2245 Sunderland v Stoke

2245 Tottenham v Man City

MSIMAMO:

NA	TIMU	P	GD	PTS
1	Arsenal	23	24	52
2	Man City	22	38	50
3	Chelsea	22	23	49
4	Liverpool	23	29	46
5	Tottenham	22	3	43
6	Everton	23	11	42
7	Man Utd	23	11	40
8	Newcastle	23	4	37
9	Spton	23	4	32
10	Swansea	23	-4	24
11	Aston Villa	22	-7	24
12	Norwich	23	-17	24
13	Hull	23	-7	23
14	Crystal	23	-16	23
15	West Brom	22	-5	22
16	Stoke	22	-14	22
17	Fulham	23	-28	19
18	West Ham	22	-11	18
19	Sunderland	22	-15	18
20	Cardiff	23	-23	18

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.